Edhe doganat shqiptare do të jepen me koncesion

As doganat shqiptare nuk do ti shpëtojnë koncesionit me formulën e Parteritetit Publik Privat. Drejtoria e Kufirit dhe Emigracionit ka bërë të ditur para Komisionit parlamentar të Sigurisë Kombëtare se është në diskutime me kontraktues  privat për të mbuluar të gjitha shërbimet në pikat kufitare në vendin tonë.

Për ti dhënë fund problemeve në kontrollet e pasaportave të personave që hyjnë dhe dalin në territorin shqiptar, është kërkuar të vendosen 200 lexues optikë.

3 milionë euro janë kërkuar për monitorimin e hapësirës në betejën me trafikun e lëndëve narkotike.

25% e armatimit të policisë, e cila pritet të zëvendësohet vitin e ardhshëm, do ti kushtojë shtetit rreth 100 milion lekë.