Edi Rama: “Latifi” amerikan po i merr shumë dollarë Berishës!

Edi Rama sot në fjalën e tij hapëse të fushatës elektorale i ktheu përgjigje edhe konsulentit amerikan të fushatës së Partisë Demokratike, Chris LaCivita.

Kryeministri tha se i lumtë “latifit” amerikan që vjen dhe i merr kushedi sa para (dollarë) “bufit” të kenetës (Berishës), kur dihet se nuk ka asnjë shans të fitojë.

Ndërkohë Chris LaCivita sot foli para demokratëve ku u shpalos program i PD-së nga Berisha. Konsulenti amerikan shtoi se Berisha ka një plan të vërtetë për të ulur kostot e jetesës dhe një plan konservator që është i ngjashëm me politikat e presidentëve Ronald Reagan dhe Donald Trump. LaCivita ka përmendur se Berisha ka një plan për uljen e taksave dhe një plan për rininë shqiptare.

Por Edi Rama tha sot se “latifi” amerikan po i përlan shumë para Berishës që nuk dihet nga vijnë si burim financiar.