Edukimi financiar – AMF, marrëveshje me Universitetin Politeknik

Autoriteti i Mbikëqyrjes Financiare nënshkroi të martën një marrëveshje bashkëpunimi me universitetin Politeknik të Tiranës. Drejtori Ekzekutiv, Ervin Koçi, tha se forcimi i edukimit financiar është i lidhur ngushtë me zhvillimin ekonomik, por edhe me përparimin teknologjik.

Marrëveshja e sotme është pjesë e zbatimit të strategjisë për rritjen e besimit të konsumatorit në tregjet financiare nën mbikëqyrje. Specialistë të Autoritetit të Mbikëqyrjes Financiare zhvilluan gjithashtu një takim informues për edukimin financiar me studentë të Universitetit Politeknik.