Detaje të reja kanë dalë nga ngjarja tragjike, ku një efektive e komisariatit nr.5 në Kamëz i dha fund jetës këtë pasdite me armën e shërbimit. Paraprakisht dyshohet se Aldorjana Loshi, 21-vjeçe, ishte e vetme në shtëpi kur i ka dhënë fund jetës jetës.
Për këtë fakt është dashur edhe ndërhyrja nga forcat zjarrfikëse për të hapur derën e banesës së saj. Ajo jetonte në Tiranë, por prej një viti e gjysmë punonte në komisariatin nr.5 që ndodhet në Kamëz.
“Më datë 24.05.2024, rreth orës 18:30, në rrugën “Ali Demi”, është vetëvrarë me armë zjarri në banesë shtetasja Aldorjana Loshi, 21 vjeçe, punonjëse Policie pranë Komisariatit të Policisë Nr. 5″, njofton policia.
Motivet që e kanë shtyrë drejt aktit ekstrem janë ende të paqarta. Ajo u gjet pa shenja jete nga familjarët e saj.