Ekipet e Bashkisë në terren për sistemimin e afganëve, Veliaj: Janë me të njëjtat shpresa dhe ambicie si tonat

Ardhja e refugjatëve afganë në Tiranë ka mobilizuar edhe ekipet e Bashkisë të cilat po kujdesen për sistemimin e tyre në godinat e Qytetit Studenti ku ata janë vendosur përkohësisht.

Kryetari i Bashkisë së Tiranës, Erion Veliaj ka falenderuar grupet e organizuara në terren për t’ua bërë sa më të lehtë qëndrimin familjeve që do qëndrojnë në kryeqytet, teksa kujton dhe shprehjen e famshme të shkrimtarit të njohur me origjinë afgane Khaled Hossein, “refugjatët janë prindër, motra, vëllezër dhe fëmijë me të njëjtat shpresa dhe ambicie si tonat”.

“Qyteti i Tiranës i është përgjigur thirrjes së kryeministrit Edi Rama për të mirëpritur refugjatët afganë. Ekipet tona janë duke punuar ditë natë derisa të strehohen të gjithë”,-shprehet përmes një statusi në rrjetet sociale kreu i Bashkisë Erion Veliaj. Deri më tani, totali i qytetarëve afganë të mbërritur në Shqipëri është 475 vetë.

“Refugees are mothers, fathers, sisters, brothers, children, with the same hopes and ambitions as us.”

— @khaledhosseini

The @CityOfTirana has joined PM's @ediramaal call to host afghan refugees. Our teams are working day in and day out until everyone is sheltered here! 🇦🇱❤️🇦🇫 pic.twitter.com/zoLdXl0MJm

— Erion Veliaj #B40Presidency 🇪🇺🇦🇱 (@erionveliaj) August 29, 2021