Ekspertët rishikojnë masat anti-covid, por ora policore nuk ndryshon

Komiteti Teknik i Ekspertëve ka vendosur që të ulet në pesë ditë karantina për personat e prekur nga koronavirusi.

Pavarësisht përmirësimit të situatës nga ulja e infektimeve dhe e shtrimeve në spital, ekspertët nuk kane ndryshuar masat e tjera, as orën policore dhe as detyrimin për mbajtjen e maskës në ambiente të mbyllura.

Drejtoresha e institutit të Shëndetit Publik, pas mbledhjes së Komitetit, tha se pozitiviteti nga Covid-19 ka rënë në 11%. Përmirësimi ndihet edhe në spitale ku aktualisht janë të shtruar 73 pacientë.