Eksperti Karamuço tregon si Rozeta Dobi i vodhi unazën e martesës

Vetëm ish-zyrtaren e shtetit, Alda Klosin ka vjedhur sanitarja Rozeta Dobi? Eksperti i kriminalistikës, Ervin Karamuço ka pohuar se është grabitur nga Dobi gjatë kohës që ajo punonte si pastruese në banesën e tij.

Karamuço ka treguar për ”BW” se 49-vjeçarja i kishte vjedhur unazën e martesës. Eksperti shton se rasti u identifikua falë mbishkrimit tek sendi.

“Pastruesja ka ardhur rreth 6 muaj në shtëpinë tonë, por jo rregullisht. Pas një periudhe kohe vumë re që unaza e martesës nuk ndodhej në shtëpi, ishte vjedhur. Kam bërë denoncim në polici dhe së fundmi jemi kontaktuar që unaza është vjedhur. Sendin e kemi njohur sepse ka një dedikim “Ervinit me dashuri”, ka thënë Karamuço.