Ekzektohet i riu, trupi brenda një makine të djegur

Një person i pajetë është gjetur në lagjen Livade, në periferi të qytetit të Shkodrës. Viktima është Arjan Ferracaku 31-vjeç, ndërsa nga të dhënat e para mësohet se është qëlluar me pistoletë, ndërsa ende nuk dihen rrethanat e ngjarjes. Arjan Ferracaku është gjetur i pajetë pranë një makine të braktisur. Në vendngjarje kanë mbërritur forca të policisë dhe hetuesisë, të cilët po punojnë për të mbledhur prova dhe zbardhur krimin e rëndë. Zona ku është gjetur viktima është në Livadhe, e njëjtë ku janë gjetur më parë disa mjete të djegura që janë përdorur nga autorët për disa ngjarje kriminale.