Ekzekutohet në Belgjikë miku i Ardjan Çapjas, dyshohet për larje hesapesh

Një 39-vjeçar shqiptar, i identifikuar si Bledar Muca u vra mbrëmjen e së shtunës në Antwerp, Belgjikë. Autori i vrasjes, së bashku me bashkëpunëtorët janë ende në arrati.

Ngjarja ka ndodhur rreth orës 23:00 dhe viktima u qëllua teksa lëvizte në autostradë dhe vdiq në vend. Pista ku po heton policia është për larje hesapesh.

Bledar Muça është emër i njohur për drejtësinë shqiptare dhe rezulton i përfshirë në shumë ngjarje kriminale në qytetin e Elbasanit. Në këtë qytet ai njihet për lidhjet e ngushta me fisin Çapja, ndërsa konsiderohej si “krahu i djathtë” i Ardjan dhe Florenc Çapjas.