Elbasan, aksion kundër shkelësve të ligjit; 3 të ndaluar dhe 5 procedime

Strukturat e Drejtorisë së Policisë së Qarkut Elbasan, gjatë 24-orëve të fundit kanë bërë arrestimin, ndalimin dhe procedimin e disa shtetasve të cilët akuzohen për vepra penale të ndryshme.
Konkretisht, në pranga ka përfunduar shtetasi Dritan Perçi, 37 vjeç, pasi në banesën e tij u konstatua se kishte bërë një lidhje të paligjshme të energjisë elektrike. 
Në pranga ka rënë edhe 26-vjeçari Krenar Dingozi, për aksidentimin e një të moshuari me mjetin e tij tip motorçikletë; si dhe shtetasi Azem Qoshku, 39 vjeç dhe i akuzuar për dhunë në familje. 
Ndërkohë që ka nisur procedimi penal për 5 shtetas të tjerë. Dy prej tyre akuzohen për ushtrim dhune në bashkëpunim, ndërsa të tjerët për ndërtim të objekteve pa leje, shkaktim të aksidentit rrugor dhe kanosje.