“Elbasani i së ardhmes ndërtohet sot”, kandidatja e PS Aulona Bylykbashi takim me arkitektët

Kandidatja për deputete e Partisë Socialiste, Aulona Bylykbashi, zhvilloi një takim frymëzues me disa nga emrat më të njohur të arkitekturës në Elbasan: Reshit Bedhia, Albana Drenogllava, Ilir Sadiku dhe Marvis Avllazagaj.

Gjatë këtij bashkëbisedimi të hapur dhe miqësor, u diskutua gjerësisht mbi rolin e arkitekturës në jetën urbane, rëndësinë e planifikimit të qëndrueshëm dhe nevojën për ta kthyer Elbasanin në një qytet më modern, më funksional dhe më afër qytetarëve të tij.
Aulona Bylykbashi theksoi rëndësinë e bashkëpunimit me profesionistët për të sjellë ide të reja dhe për të ndërtuar politika që respektojnë identitetin e qytetit, por njëkohësisht e çojnë përpara me hapa të sigurt.

“Me një vizion të përbashkët dhe përkushtim të sinqertë, u nënvizua besimi se Elbasani mund të shndërrohet në një model zhvillimi urban dhe social për të gjithë vendin”, pohoi Bylykbashi.