Emanuela, Soela dhe Markel sjellin “21 ekuinokse pranverore” në Ditën Botërore të Sindromës Down

Nesër, më 21 Mars është Dita Botërore e Sindromës Down dhe pikërisht në këtë datë kur edhe natyra shënon ekuinoksin e saj pranveror, themeluesja e “Down Sindrome Albania”, Emanuela Pepkola Zaimi, fotografja e talentuar Soela Zani dhe Markel Capo Markel Capo kurator, janë bërë bashkë jo vetëm për të na suprizuar me bashkëpunimin e tyre të veçantë, si dhe për të përcjellë një mesazh.

21 portrete fëmijësh të zbukuruar me kurora mbi kokë.

21 lule që si pranverë buzëqeshin përpara aparatit fotografik.

21 dashuri që me shikimet e tyre të brishta na bëjnë të kuptojnë që “s’janë si ne” pikërisht sepse janë MË SHUMË. Janë dashuri e pafundme e si të tillë meritojnë t’u kthehet në përkushtim e mbështetje gjithë afeksioni që ata dhurojnë.

Kjo datë, e cila na rikujton që duhet të jemi më solidarë ndaj çdo kategorie të të lindurve me aftësi të kufizuara (në këtë rast me sindromën Down) duhet të shërbejë gjithashtu si një thirrje e fortë edhe për politikanët dhe politikave të qeverisë aktuale. Duhet të shërbejë si një apel e vëmendje karshi fëmijëve si Vanesa, Lela, Margeta, Ester, Besjana, Rezarta, etj., të cilët duke patur kërkesa specifike, deri tani janë mbështetur vetëm nga prindërit e tyre. Mes qindra sakrificash e mundimesh.

Emanuela Pepkola Zaimi me hashtagun: #KomisioneriPerMbrojtjenNgaDiskriminimi, #JoDiskriminimit #PoBarazisë, si themeluese e Fondacionit “Doëwë vështirësive të shumta ndër vite, nëpërmjet një videoje që po qarkullon këto ditë në rrjetet sociale, bën thirrje që veç mbështetjes nga shteti, prindërit e fëmijëve me aftësi të kufizuara të njihen me të drejtat e fëmijëve të tyre për arsim.

“Ndajeni që ta dëgjojnë të gjithë prindërit! Ndryshe nga ç’mendohet, shumë prindër të fëmijëve me AK ende nuk i dijnë të drejtat e fëmijëve të tyre për arsim”, shprehet Emanuela.

Më tej, ajo thekson edhe faktin që, “Deri para disa vitesh shumë prindër kishin turp, apo i mbanin të fshehtë fëmijët tanë. Vajzat i qethnin si djem. Sot prindër si unë, janë të lumtur që kanë një fëmijë me sindromën Down dhe përpiqen çdo ditë që ata të zhvillohen, të mësojnë në klasa bashkë me moshataret e tyre, të punësohen e të jenë të zotët e vetes dhe të dobishem për komunitetin. Fëmijet tanë janë të bukur e të mirë si çdo fëmijë tjetër. Aftësitë e tyre kufizohen më së shumti nga mungesa e mundësive në këtë vend, sesa nga kromozomi shtesë”, shprehet për “VOX ALBANIAE” znj. Pepkola Zaimi, e cila falenderon nga zemra njerez si Soela Zani dhe Markel Capo që iu bashkuan kauzës së saj.

/Albina Gjergji/