Epidemiologu Muja: Zonat e nxehta dhe më të infektuara nga Covid-19

Epidemiologu Rexhep Muja tregon se çdo ditë vijon puna intensive në terren. Në shtator do të shtojnë edhe dy grupe të tjera për të marrë tamponin në mënyrë që qytetarët të mos presim më. Për të vendimi përfundimtar për kryerjen e tamponit e merr epidemiologu.

”Brenda 24 orëve bëhet tampon. Kërkesat vinë nga 127 dhe mjeku i familjes. Por vendimin duhet ta marri mjeku. Kemi patur raste që i bëmë tamponin ishte negative pas 7 ditësh doli pozitiv. Epidemiologu duhet të vendosë ditën se kur duhet të testojë”.

Mjeku sqaron se qytetarët duhet të jenë në kontakt me mjekun e familjes, pasi kanë pasur edhe shumë raste që kur kanë shkuar t’u marrin tamponin i kanë gjetur në gjendje të rënduar. Kush janë zonat më të nxehta të Tiranës sa i përket përhapjes së të infektuarve nga Covid-19. “Ish-Blloku, Astiri,Fresku, Kamza, Paskuqani, Kinostudio”.

Sipas tij ende ka shumë raste që qytetarët kanë merak kur u shkojnë mjekët tu marrin tamponin, pasi vuajnë stigmën se çfarë do të thonë të tjerët. Po ka edhe shumë të tjerë që kanë hallin e vonesave në punë, pasi janë pa simptoma dhe nuk kanë si të justifikohen. Aktualisht kryeqyteti ka gati 60% të të infektuarve aktiv me Covid-19. Pasi nga 4 mijë raste aktive në mbarë vendin, pothuajse 2100 i ka Tirana.