Erion Veliaj: Fondi i Komunitetit është një nga projektet me më shumë duk që kemi zbatuar si risi në Tiranë

Nga Erion Veliaj-

Fondi i Komunitetit është një nga projektet me më shumë duk që kemi zbatuar si risi në Tiranë, e përmes të cilit kemi sjellë shumë ndryshime në jetën e banorëve të qytetit, sidomos për familjet që banojnë në pallatet e vjetra.

Suksesi i idesë sonë ishte i menjëhershëm dhe shumë banorë, të cilët kishin probleme me fasadën e pallateve apo vuanin mungesën e një ashensori, aplikuan (përmes një administratori të zgjedhur prej tyre dhe të licencuar nga bashkia) për të përfituar nga Fondi i Komunitetit, sipas parimit 50% të shpenzimeve i jepte bashkia, dhe 50% vetë banorët e pallatit. Ndërkohë që, për pensionistët dhe familjet në nevojë, pagesa mbulohet 100% nga Bashkia e Tiranës.

Rezultati 227 pallate të rinovuara, ndër të cilët: 147 për veshjen me sistem kapot, 63 vendosje ashensori, dhe 17 vendosje sistem kapot dhe tarracë.

Ndihem vërtet mirë kur shoh se si të gjitha familjet që janë bërë pjesë ndër vite e Fondit të Komunitetit, sot kursejnë 20% energji  falë vendosjes së sistemit kapot në pallatin ku banojnë, por edhe kanë përfituar 40% rritje të vlerës së pronës së tyre falë ndërhyrjes së bashkisë.

Më e mira është gjithmonë përpara!