Erion Veliaj vendos emrin “Ukraina e Lirë” rrugës ku është ambasada ruse në Tiranë
Aktualitet Kryesore E Shtunë, 5 Mars 2022 19:21
Kryebashkiaku i Tiranës, Erion Veliaj ka vendosur që ditën e hënë ti jap emrin “Ukraina e Lirë” rrugës mu para hyrjes së ambasadës ruse në Tiranë.
Ja se çfarë shkruan Erion Veliaj:
“Bashkia e Tiranës do të emërtojë të hënën, njërën nga rrugët e bllokut të ambasadave me emrin “Ukraina e Lirë”.
Për rastësi, në atë rrugë ndodhen edhe selitë e ambasadave të Ukrainës, Rusisë, Serbisë dhe Kosovës.
Lufta e Serbisë ndaj Kosovës dhe lufta e Rusisë ndaj Ukrainës kanë shenjuar gjeneratën tonë. Kjo rrugë do të shenjojë qytetin tonë!
Ambasadave do t’u duhet të ndryshojnë adresën në kartëvizitat e tyre, kurse Posta Shqiptare do t’ua sjellë postën në rrugën “Ukraina e Lirë”.
Ndërkaq, sot nisëm kamionin e parë me ndihma nga qytetarët e Tiranës, i cili do të mbërrijë këtë fundjavë në kufirin midis Polonisë dhe Ukrainës”.
KOHA JONË SONDAZH
