Erisa Xhixho: Meta do të sjellë një opozitë të fortë pas 25 korrikut

Nënkryetarja e LSI-së, deputetja Erisa Xhixho ka folur sot për situatën e brendshme në parti, dhe për rikthimin e Ilir Metës në krye të partisë.

Xhixho tha se ato do të zhvillojnë një konventë të rëndësishme më 25 korrik, ku në fokus do të jenë zgjedhjet lokale të 2023. Për të Meta ka një ide sesi do të vijë ne realitetin e ri politik dhe se ka qenë shumë i qartë për të pasur një opozitë të fortë.

”Gjithë eksperienca e tij është një vlerë e shtuar për opozitën. Ka një ide se si do vijë në realitetin e ri politik, ka qenë shumë i qartë për të pasur një opozitë të fortë, të vërtetë që i shërben shumë vendin në këtë moment krize. Kam një bindje që vota e shqiptarëve është përcaktuese për pozicionin e çdo force politike”.