Ermal Beqiraj kapet në Francë, pritet ekstradimi. Ishte në kërkim nga SPAK për AKSHI-n

Ermal Beqiraj është arrestuar sot në Francë. Ai ishte i shpallur në kërkim nga SPAK për dosjen e “AKSHI”-t dhe ndaj tij është lëshuar masa arrest me burg prej Prokurorisë së Posaçme, ndërsa pritet që të ekstradohet në Shqipëri. Beqiraj zotëron kompaninë “Soft & Solution” dhe akuzohet se përfitoi tenderë mbi 1.1 milion euro pas kërcënimeve që krahu i djathtë i Ergys Agasit, i bëri një shoqërie të përfshirë në një nga garat e shumta.