“Ethet” e ndeshjes, Thaçi në stadium, Vuçiç kthen sot përgjigje
Aktualitet E Enjte, 15 Prill 2021 01:04
Në përballjen mes Shqipërisë dhe Serbisë në "Elbasan Arena" ditën e enjte në mbrëmje do të jetë i pranishëm edhe zëvendës-kryeministri i Kosovës, njëherazi ministër i Jashtëm, Hashim Thaçi.
Teksa mediat kosovare shkruajnë se Thaçi do ta shikojë këtë ndeshje së bashku me kryeministrin shqiptar Edi Rama.
Interesim për ta parë duelin historik të kuqezinjve me serbët e ka shfaqur një ditë më parë edhe kreu i Kuvendit të Kosovës, Kadri Veseli i cili kishte kërkuar në mbledhjen e Kryesisë që seanca e radhës e Kuvendit të mbahet këtë të premte e jo të enjten ditën kur edhe zhvillohet ndeshja.
Ndërkohë, kryeministri serb, Aleksandar Vuçiç, ende nuk ka vendosur nëse do të shkojë në Shqipëri për të ndjekur ndeshjen e shumëpërfolur ndërmjet Shqipërisë dhe vendit të tij. Por pritet të kthejë sot përgjigje rreth kësaj.
Ai ka thënë se nëse shkon, ka për të qenë lider i tifozerisë.