Falsifikuan rezultatet e 25 prillit në Elbasan, shumica numërues të PS. Prokuroria: Nga 3-7 vite burg

Prokuroria e Elbasanit ka lëshuar urdhër arreste për 8 persona, pasi dyshohet se kanë falsifikuar rezultatet e zgjedhjeve të 25 prillit 2021. Në pranga janë vënë: Ylli Kuka, Durim Alla, Algert Alla, Erald Karriqi, Erjon Dashi dhe Mili Vasku, ndërsa dy të tjerë nuk janë gjendur nga forcat e policisë.

Në kërkim janë shpallur shtetasit Oltion Bajrami dhe Eduart Zito. Ata janë caktuar nga partitë politike në rolin e numëruesve nëpër qendra të ndryshme votimi. Katër prej tyre, janë caktuar nga Partia Socialiste, dy nga Partia Demokratike dhe dy nga Lëvizja Socialiste për Integrim.

Në njoftimin e shpërndarë për mediat, Prokuroria thotë edhe se ata rrezikojnë nga 3 deri në 7 vite burg për ndryshimin e rezultateve të zgjedhjeve.

Partia Socialiste

Ylli Kuka
Oltion Bajrami
Durim Alla
Algert Alla

Partia Demokratike

Erald Karriqi
Erjon Dashi

Lëvizja Socialiste për Integrim

Eduart Zito
Mili Vasku