Fatmir Mediu: Nuk ja shesim shpirtin Ramës. Qeveri e mallkuar

Kreu i Partisë Republikane, Fatmir Mediu deklaroi se sot në shesh kanë dalë qytetarët më të përgjegjshëm për vendin që nuk tremben dhe nuk shiten.

Kreu i PR tha se ekonomia është në situatën më kritike. “Pyetja është e thjeshtë; a e meritojmë ne këtë qeveri? Jo dhe jo. Ne jemi këtu ti bëjmë ballë një rreziku shumë të madh, shkatërrimit të besimit dhe vlerave morale të këtij vendit. Ne jemi këtu për të protestuar kundër largimit masiv të të rinjëve”,- tha Mediu. Ai shtoi se “ne nuk kemi vend i mallkuar. Na ka bekuar zoti, por na ka mallkuar kjo qeveri”.