Fëmijët që mposhtën sëmundjen sot festuan tek fondacioni ”Fundjavë Ndryshe”, Arbër Hajdari: Emocion i veçantë (VIDEO)

”Fundjavë Ndryshe” u kujdes që këtë 1 Qershor fëmijët që u ndihmuar nga fondacioni të festojnë bashkë. Themeluesi Arbër Hajdari e përshkruan si një emocion të veçantë që të gjithë fëmijët sot janë bashkë, dhe që kanë sfiduar sëmundjen.

”Festojmë festën e fëmijëve, me një grup të madh fëmijësh që kanë qenë të sëmurë, janë shëruar. Dikush me një sëmundje, dikush pak më të lehtë, por është e mrekullueshme të shohësh sot një grup fëmijësh që kanë qenë në vështirësi jo vetëm financiare, por edhe me shëndetin, sot gëzojnë shëndet të plotë. Është një emocion i veçantë”,-thotë Hajdari.

Po ashtu ai bën me dije se fondacioni ka ndihmuar 140 fëmijë, si ndihma mjekësore jashtë vendit.