Fier, goditen nga rrufeja, humb jetën një person dhe plagoset një tjetër

Moti me reshje të dendura shiu dhe rrufe ka lënë të vdekur një person në Fier dhe ka plagosur rëndë një tjetër.

Sipas të dhënave paraprake bëhet e ditur se dy personat kane qenë në shtëpinë e tyre, në zonën e njohur ‘Ferma e Çlirimit” kur një rrufe e fortë e ka goditur atë duke sjellë edhe vdekjen e menjëhershme të njërit prej tyre.

Deri tani nuk dihet ende se ku ka ndodhur ngjarja apo cili është identiteti i të vdekurit dhe të plagosurit.

Rrufetë kanë qenë të shumta, ndërkohë që reshjet e shiut vijojnë që të bien me intensitet të lartë.