Më 26 qershor, Richard J. Roberts, fituesi i Çmimit Nobel për Fiziologjinë ose Mjekësinë 1993 vizitoi Ashraf-3 dhe u takua me Presidenten e zgjedhur të NCRI, Maryam Rajavi. Roberts mori pjesë gjithashtu në një takim me anëtarët e Rezistencës Iraniane dhe mbajti një fjalim të shkurtër por prekës.
Presidentja e zgjedhur e Këshillit Kombëtar të Rezistencës së Iranit, Maryam Rajavi tha se ata dhe populli iranian do ta kujtojmë këtë vizitë për shkak mbështetjes për kryengritjet e popullit iranian për liri.
”Veçanërisht për shkak të mbrojtjes suaj të sinqertë dhe të përzemërt të MEK-ut në Ashraf dhe Camp Liberty gjatë shtatë viteve, nga 2009 deri në 2016, ku 150 anëtarë të MEK u vranë dhe afro 1,500 u plagosën në shtatë gjakderdhje.
Që nga sulmi i parë e deri më sot, ju jeni ngritur 22 herë në mbështetje të luftëtarëve të lirisë së Iranit dhe protestave të popullit iranian.
Në korrik 2021, ju dhe 20 kolegët tuaj i shkruat një letër Sekretarit të Përgjithshëm të OKB-së duke bërë thirrje për formimin e një misioni faktmbledhës për të hetuar masakrën e vitit 1988 të të burgosurve politikë. Në këtë letër, ju nënvizoni rolin e presidentit të regjimit, Ebrahim Raisi, në kryerjen e krimeve kundër njerëzimit. Mbështetja juaj për luftën e popullit iranian për liri është mjaft e paçmueshme”,-tha Rajavi.