Flakët pushtojnë një parcelë me ullinj në Elbasan, ndërhyrje pranë nënstacionit elektrik

Një zjarr me përmasa të mëdha ka rënë në një parcelë me ullinj, rreth 100 metra pranë nënstacionit 220 kV Elbasan-Mjekës-Cerrujë-Gramsh. Flakët përfshinë një sipërfaqe me ullinj, ndërsa tymi është përhapur gjerësisht në zonë. Pavarësisht afërsisë me nënstacionin elektrik, fatmirësisht u evitua rreziku për infrastrukturën energjetike. Forcat zjarrfikëse dhe strukturat përgjegjëse u angazhuan në terren, ku pas një pune të vështirë arritën të izolonin vatrën e zjarrit dhe u bë shuarja e plotë të flakëve, duke bërë të mundur që ato të mos përhapeshin drejt sipërfaqeve të tjera.