Fondacioni Vodafone Albania mbështetës i nismës ‘Vraponi për fëmijët”

Iniciativa ‘Vrapo për fëmijët’  ka lindur para tre vitesh si përgjigje ndaj nevojave të fëmijëve jetimë dhe të varfër që vuajnë prej sëmundjes së leuçemisë . Në vitin 2013, Fondacioni Vodafone Albania iu bashkua kësaj nisme nën sloganin ‘Vodafone vrapon për fëmijët” dhe nga fondet e dhuruara u ndihmuan 13 fëmijë të sëmurë të shtruar në spitalin pediatrik të Tiranës. 

Të gjithë pjesmarrësit në këtë garë dhane kontributin e tyre në mbledhjen e fondeve përmes pagesës së tarifës së pjesmarrjes. I gjithë fondi i mbledhur do të shkojë në ndihmë të fëmijëve të prekur nga kanceri të cilët kanë nevojë për seanca intensive kimioterapie.

I kthyer tashmë në një traditë, ky aktivitet u zhvillua sërish sot tek liqeni artificial i Tiranës, ku u vu re një sensibilizim në rritje dhe një numër më i madh pjesëmarrësish se vitet e tjera duke bërë të mundur që kontributet e mbledhura këtë vit të jenë akoma më të mëdha dhe të ndihmojnë akoma edhe më shumë raste femijësh që janë në pritje të shërbimeve mjekësore aq të nevojshme për ta.