FOTO/ Këlliçi nga Unaza e re: Ne do të fitojmë vetëm me ndihmën tuaj

Kreu i FRPD-së, njëkohësisht edhe drejtuesi politik në disa zona në Tiranë, Belind Këlliçi, ka zhvilluar një takim me të rinjtë e Unazës së Re.

‘Opozita është formacioni i vetëm politik sot që nuk hyn në zgjedhje me llogari të punësuarish në shtet’, shkruan Këlliçi në Facebook.

Reagimi i plotë i Belind Këlliçit:

Të rinj të Unazës së Re! Bashkëmoshatarë e më të rinj!

Këto zgjedhje vendosin nëse fiton Rama apo Shqipëria? Është mundësia që keni që të ndëshkoni premtimet e pambajtura dhe abuzimet e qeverisjes. Më 25 prill, Rama nuk bën dot më sikur nuk ju dëgjon.

Opozita është formacioni i vetëm politik sot që nuk hyn në zgjedhje me llogari të punësuarish në shtet.

Ftesa që bëjmë është të zgjedhim alternativën politike dhe jo drejtorët e ndërmarrjeve klienteliste.

Ne do t’i fitojmë këto zgjedhje. Ne do të fitojmë vetëm me ndihmën tuaj. Së bashku do të sjellim ndryshimin dhe Shqipëria do të fitojë!