FOTO/ Ministrja Koçiu: Mbarëvajtja e fushatës së vaksinimit, thelbësore për kujdesin ndaj shëndetit

Ministrja e Shëndetësisë dhe Mbrojtjes Sociale, Albana Koçiu u shpreh sot se, “mbarëvajtja e Fushatës së Vaksinimit është thelbësore për kujdesin ndaj shëndetit, jo vetëm të personelit shëndetësor dhe mjekëve tanë, por edhe për grupet e riskut në vend”.

Ajo ndau foto nga vaksinimi i personelit shëndetësor dhe mjekëve kundër gripit sezonal dhe Covid-19.

“Stafi shëndetësor dhe mbështetës janë të parët që kryesojnë vaksinimin kundër gripit sezonal dhe Covid-19, duke dhënë shembullin e mirë dhe dëshmuar domosdoshmërinë e mbrojtjes ndaj virozave të stinës së dimrit”, theksoi ministrja Koçiu.