FOTO/ Paris, Rama pritet me nderime ushtarake në Oborrin e Nderit të ”Les Invalides”

Në ditën e dytë të vizitës në Francë, kryeministri Edi Rama i shoqëruar nga bashkëshortja Linda Rama u nderuan në ceremoninë e mbajtur në Oborrin e Nderit të “Les Invalides”, në Paris që është një kompleks muzeal dhe monumentesh, të lidhura me historinë ushtarake e Francës.

Kreu i qeverisë dhe bashkëshortja u pritën në portikun e hyrjes nga Ministri për Europën Jean-Noël Barrot dhe nga Guvernatori Ushtarak i Parisit, Gjeneral korparmate Christophe Abad. Më pas, Rama i shoqëruar nga Komandanti i trupës së Gardës Republikane, përshkoi Oborrin e Nderit, në prezencën tri togave të rreshtuara të Gardës.

Himnet kombëtare të Shqipërisë dhe Francës vijuan protokollin e ceremonisë e më tej Kryeministri Rama i shoqëruar nga Komandanti i Trupës parakaloi para togave të Gardës. Nderimet ushtarake para Kryeministrit Rama u paraqiten nga një detashment i përbëre nga orkestra e Gardës Republikane dhe tri toga te regjimenteve të Këmbësorisë së Gardës Republikane.