FOTO/ Shëtitorja buzë Shkumbinit, Rama: Automotoparku do të sjellë ndjekësit e “Formula Uno”

Automotoparku në Elbasan dhe shëtitorja buzë lumit Shkumbin do t’i japin një fuqi të re zhvillimit të ekonomisë dhe turizmit. Kryeministri Edi Rama ka postuar foto nga shëtitorja e re në Elbasan pranë automotoparkut që sipas tij “pritet të sjellë nga e gjithë bota ndjekësit e “Formula Uno”.

Automotoparku i Elbasanit do të mundësojë gara dhe evente ndërkombëtare të përmasave rajonale e botërore. Projekti për cirkuitin e parë motosportiv shqiptar po jetësohet në terren, përbri lumit Shkumbin, në zonën e Krastës së Elbasanit, sipas standardeve të FIA dhe FIM.

Ky kantier çel një epokë të re për Elbasanin dhe jo vetëm dhe duke e kthyer Shqipërinë në epiqendrën e rajonit për organizimin e aktiviteteve motorsportive. Automotoparku sjell një hapësirë të re cilësore edhe për rritjen e sigurisë rrugore, por edhe një mundësi të re e të jashtëzakonshme për sportet automotoristike, si edhe aktivitetet ndërkombëtare të niveleve më të larta.