Freedom House: Shqipëria dhe Kosova, vende pjesërisht të lira

Shqipëria është një vende pjesërisht i lirë. Po ashtu edhe Kosova. Raporti vjetor i organizatës “Freedom House” dy shtetet e të njëjtit komb në Ballkan. Vlerësimi për Shqipërinë nuk ka ndryshuar, ndërsa Kosova ka shënuar përparim, duke u përfshirë për herë të parë mes vendeve me demokraci elektorale. Shqipëria vlerësohet me 3 pikë për gjendjen e lirisë në përgjithësi, në një sistem matës me një shkallë nga 1 në 7, ku 1-shi përfaqëson liritë më të mëdha dhe 7-ta mungesën më të madhe të lirive. “Freedom House” ia atribuon mos-ndryshimin e vlerësimit kombinimit të problemeve të rrënjosura institucionale dhe reformave që janë ende në fazat e para. Në këtë raport cilësohet se vendi ynë vazhdoi të vuante pasojat e mosmarrëveshjeve politike, përfshirë bojkotimin e parlamentit nga opozita, mosndëshkimin e zyrtarëve dhe ish-zyrtarëve të lartë të akuzuar për korrupsion dhe një trashëgimi emërimesh politike në postet e gjyqtarëve. Kosova konsiderohet si një nga vendet me përparim më të madh për zhvillimet e vitit të kaluar. Megjithë përmirësimin e kohëve të fundit, në raport thuhet se kushtet e serbëve, retorika islamofobike ishin shqetësime për vitin 2014. Mes incidenteve shqetësuese përmenden arrestimi i imamëve të Prishtinës, Pejës dhe Mitrovicës dhe dëmet e varrezave ortodokse serbe.   Gjithsesi, në këtë raport, pjesërisht të lirë, do të thotë se për demokracinë e vendit duhet ende shumë kohë dhe punë për të bërë, si nga Shqipëria, ashtu edhe nga Kosova.