Fshati i Çobejve në Vlorë po braktiset, vuajnë për ujë, rrugë e mjek

Mekat 2, i njohur edhe si fshati i Çobejve në Vlorë po braktiset nga banorët pasi atje vuajnë mungesën ujit të pijshëm, infrastrukturës dhe shërbimit mjekësor.  Në 3 dekada ata thonë se janë harruar nga të gjithë pushtetet që kanë votuar.

Vite më parë në fshatrat e Mekatit në Vlorë banonin rreth 700 familje.

Mungesa e ujit të pijshëm dhe shërbimeve ka bërë që gjysma të largohen.

Në kushtet kur uji nuk u shkon në shtëpi, shpëtim kanë gjetur tek çezma e fshatit ose puset e hapura në oborrin e shtëpisë.

Në fshat mbizotërojnë të moshuarit, por qendra shëndetësore mungon.

Për çdo shqetësim thonë se duhet ti drejtohen Vlorës.

Rruga drejt qytetit është hall më vete.

Në të gjithë gjatësinë e saj është e degraduar.

Në verë pluhur e në dimër baltë.

Thonë se ndjehen të harruar në tre dekada demokraci.

Pushtetit vendor e atij qëndror i kërkojnë ndërhyrje dhe i kujtojnë votën. /Ora News