Fullani në Prokurori, refuzon të përgjigjet për vjedhjen e 713 mln lekëve
Ish-Guvernatori ndryshe nga çe kemi parë, në organin e akuzës ka mbërritur pa makinën e tij luksoze por edhe pa shoqërinë e policisë që e riktheu në shtëpi nga qelia muaj më parë.
Në vend të shoqëruesve që për vite me rradhë i hapnin derën, në Prokurori truprojën e vetme ka pasur vajzën, që edhe vetë është munduar të shmangë blicet dhe kamerat.
Para mikrofonave të shumtë, Fullani parakalon në heshtje duke mos u dhënë asnjë zë për sinkron gazetarëve.
Burimet nga grupi hetimor thanë se edhe para prokurorëve Fullani ka refuzuar të bëjë deklarime, duke mos dhënë përgjigje për vjedhjen e Bankës për të cilën ai akuzohet.
Fjala është për 713 milionë lekë të cilët u zhdukën nga institucioni i tij dhe që në shtator i kushtuan prangat dhe karrigen e Guvernatorit. Edhe në dalje, ish-kreu i Bankës Shqiptare ndoqi të njëjtën heshtje për të sfiduar gazetarët.
Avokati, Maks Haxhia, që e shoqëroi në gjithë procesin e paraqitjes në Prokurori nuk shoi më shumë kureshtjen e medias, duke e konsideruar këtë paraqitje vetëm si procedurë.