Drejtuesi politik i PD-së në qarkun e Beratit, Tomor Alizoti e cilësoi incidentin e djeshëm me furgonin që ishte mbushur me ushqime, një taktikë banale elektorale që sipas tij njerëzit e kuptojnë shumë mirë. Po ashtu ai thekson se gjatë kohës që ata kishin bllokuar furgonin në Berat, ndihmat po shpërndaheshin në Lapardha.
“Shteti është në këtë rast fatkeqësisht, i pa shkëputur nga pushteti. Dihet që bashkia është pjesë e qeverisë..Pse duhet të dalin rezervat e shtetit që nuk përdoren? Këto janë taktika banale që njerëzit i dinë. Gjatë kohës që ne kishim bllokuar furgonin, po shpërndaheshin ndihma në Lapardha”,-tha në “Abc News”.
I pyetur sesi e morën vesh që një furgon me rezervat e shtetit po shpërndante ushqime, Alizoti tha se kanë ngritur grupe survejimi, që siç shtoi ai, pas 30 viteve demokraci të mos bëhen veprime të tilla.
