Gara në BKH, skualifikohen 229 kandidatë, 424 të tjerë do i nënshtrohen testit të arsyetimit logjik me shkrim
Byroja Kombëtare e Hetimit ka përmbyllur procesin e shqyrtimit të aplikantëve fillestare për t’u bërë pjesë e trupës së saj.
229 kandidatë janë skualifikuar teksa vijojn më tej 424 të tjerë. Të kualifikuarit që vijojnë garën për t’u bërë hetuesë në BKH, do i nënshtrohen tashmë testit të arsyetimit ligjik me shkrim.
Ky test zhvillohet më 14 tetor në Pallatin e Kongreseve për gjithë kandidatët e mbetur në garë.
NJOFTIMI NGA BKH
Komisioni i Përzgjedhjes në datë 12.10.2020, mbylli procesin e shqyrtimit të aplikimeve fillestare dhe përzgjedhjes së kandidatëve, për fazat e mëtejshme të konkurrimit.
Komisioni i Përzgjedhjes shqyrtoi 653 aplikime, ku u kualifikuan 424 kandidatë dhe 229 kandidatë nuk kaluan në fazën tjetër.
Për të parë listën me kandidatët e kualifikuar, shkarkoni listën e kandidatëve që gjendet në LINK 1, bashkëlidhur.
Kandidatët e kualifikuar, në datën 14.10.2020, do t`i nënshtrohen Testit të Arsyetimit Logjik me shkrim.
Testi i Arsyetimit Logjik do të zhvillohet në Pallatin e Kongreseve, udhëzimet mbi zhvillimin e testit gjenden në LINK 2, bashkëlidhur.
Falenderojmë gjithë aplikantët që shprehën vullnetin për të marrë pjesë në këtë konkurrim.
