Gara për mandatin, Tabaku sposton Alimehmetin dhe shkëputet mbi 484 vota para

PD ka marrë 13 mandate në qarkun e Tiranës, ku 12 janë në lista të sigurta dhe nga votat preferciale do të hyjë në Parlament vetëm një deputet. Duket një garë e fortë mes dy kandidatëve. Jorida Tabaku dhe Ilir Alimehmeti janë në një garë për të fituar mandatin e deputetit, por duket se Tabaku po shkëputet. Tabaku ka arritur të marrë deri tani 9387 vota. Ndërsa, Ilir Alimehmeti ka marrë 8903 vota. Janë më shumë se 484 vota në favor të Tabakut. E vështirë të përmbyset, por gjithsesi procesi ende nuk ka mbaruar.