Gaza, 88 palestinezë të vrarë pas sulmeve izraelite në 24 orët e fundit

Ministria e Shëndetësisë e qeverisë së Hamasit njoftoi sot se 88 palestinezë janë vrarë në 24 orët e fundit në Rripin e Gazës duke e çuar numrin e të vdekurve në territorin palestinez që nga fillimi i luftës në 45 805.

Në një deklaratë, ministria tha se 109 064 njerëz ishin plagosur gjithashtu në Rripin e Gazës që nga fillimi i luftës, i shkaktuar nga një sulm i paprecedentë i Hamasit në tokën izraelite më 7 tetor 2023.

Si përgjigje, Izraeli filloi një fushatë shkatërruese ushtarake në territorin e rrethuar palestinez.

”Forcat Ajrore izraelite kanë sulmuar më shumë se 100 objektiva terroriste në Rripin e Gazës gjatë gjithë fundjavës”, tha sot ushtria në Telegram.

”Dhjetra terroristë të Hamasit u eliminuan në këto sulme”, shtoi ajo.

Ushtria tha gjithashtu se kishte goditur disa platforma lëshimi që thuhet se janë përdorur për të lëshuar raketa nga Rripi i Gazës në territorin izraelit.

Informacioni nuk mund të verifikohej në mënyrë të pavarur.

”Në prag të sulmeve, u morën masa të shumta për të zvogëluar rrezikun e dëmtimit të civilëve”, sipas ushtrisë.

Negociatat për të siguruar një armëpushim dhe lirimin e pengjeve të mbetura kanë qenë në ngërç prej muajsh./ a.jor. ATSH