Gazetari Sadikaj: Protestat e Berishës çojnë ujin tek mulliri i Ramës

A rrëzohet qeveria ”Rama 3” me protesta? Gazetari Patrik Sadikaj, tha në një intervistë për ”Euronews Albania”, se protestat apo dhuna nuk janë rruga e duhur për të rrëzuar qeverinë Rama.

Për të mënyra e vetme për ta rrëzuar Ramën është bashkimi i elementëve të rëndësishëm në një alternativ të re që t’i vihet përballë atij.

“Me protestat i çuan ujë në mullirin e Edi Ramës sepse në këtë situatë, çdo lloj proteste, një prej të cilave edhe në një ditë të rëndësishme, çdo lloj veprimi, Rama është i fuqishëm mediatikisht për t’i quajtur antievropianë. Mendoj se Ramën s’e mund as protesta, as dhuna, as revolucioni, vetëm nëse bashkohen disa elementë të rëndësishëm, të rinj apo të vjetër që të prodhojnë një alternativë të re”, tha gazetari.