Gerta Meta: Vendimi i Kushtetueses për 30 Qershorin, do qetësojë ”gjakrat” mes partive

Përfaqësuesja e Shoqatës për Kulturë Demokratike, Gerta Meta, ka komentuar vendimin e Komisionit të Venecias, ku thotë se ky i fundit është një organizim këshillues që i bën mirë politikës në vendin tonë.

”Pritshmëritë e një Komisioni siç është Venecia, janë të mëdha, për vetë pefesionalizmin dhe analizën ligjore që ata bëjnë. Situata politike në vend është e ashpër. Komisioni i Venecias është një organizim këshillues që i bën mirë politikës sidomos asaj në vendin tonë. Asnjëri nga institucionet nuk mundet që të jenë ata aktorët që prekin Kushtetutën e vendit”,-tha në ”Ora News”.

Për të vendimi i Gjykatës Kushtetuese do të shërbejë për të qetësuar ”gjakrat” mes partive. ”Gjykata Kushtetuese nuk mund të merret me vlefshmërinë e zgjedhjeve lokale nuk e ka në tagër, por kjo nuk do të thotë se Gjykata Kushtetuese nuk mund të merret me legjislacionin për zgjedhjet. Është një moment që të gjithë e presim se cila është ekspertiza që Gjykata Kushtetuese, do të japë një vendimarrje e cila do t’i shërbejë jo vetëm praktikës legjislative por edhe për të qetësuar ”gjakrat’’ mes partive politike”.