Gëzim i trefishtë për familjen nga Hasi

Familja Qema nga Hasi ka pasur një gëzim të trefishtë, me ardhjen në jetë të trinjakëve të shëndetshëm. Lindja ka ndodhur në maternitetin ”Koço Gliozheni” dhe fëmijët e nëna gëzojnë shëndet të plotë. Lajmi është bërë i ditur nga ministria e Shëndetësisë, Ogerta Manastirliu përmes një postimi në Facebook.

”Gëzim i trefishtë për familjen Qema nga Hasi, me ardhjen në jetë shëndosh e mirë të trinjakëve Marleo, Ajla dhe Anea në maternitetin “Koço Gliozheni””,-ka shkruar Manastirliu.

Ajo u shpreh se fëmijët kanë marrë dhe çekun e bebes prej 360.000 lekësh të reja. Sipas Manastirliut, që nga viti 2019 kur filloi bonusi i bebes më shumë se 65.000 familja të tjera kanë përfituar nga shpërblimi financiar për çdo fëmijë të lindur, nga 40.000 deri në 120.000 lekë.

”Gëzim i trefishtë për familjen nga Hasi, për ardhjen në jetë shëndosh e mirë të trenjakëve Marleo, Ajla dhe Anea në maternitetin “Koço Gliozheni”, bashkë me çekun e bebes 360,000 lekë të reja. Nga 2019 kur filloi programi universal i bonusit të bebes, më shumë se 65,000 familje të reja që janë gëzuar me fëmijë, kanë përfituar shpërblimin financiar për çdo të porsalindur, nga 40,000-120,000 lekë”.