Gjenden në Vlorë, merr fund enigma e dy motrave të zhdukura

Duket se ka marrë fund enigma e dy motrave Kajtazi, të cilat rrezultonin të zhdukura që prej 16 korrikut.

Kjo pasi, burime policore të Durrësit konfirmojnë se ato janë gjetur në Vlorë, pranë ‘Sheshit të Flamurit’.

Mësohet se ato janë gjetur në një banesë dhe në gjendje të mirë shëndetësore, teksa asnjë person tjetër nuk është shoqëruar së bashku me to.

Kujtojmë se motrat Kajtazi kishin një muaj që ishin larguar nga shtëpia dhe dy motrat dyshohej se shfrytëzoheshin në lokale nate.