Gjergj Hani thirrje demokratëve: Votoni t’i kthejmë moralin partisë

Në orën 10:00 ka votuar kandidati për kryetar të PD-së, Gjergj Hani.

Ky i fundit, pas kryerjes së procedurave të identifikimit, ka hedhur votën e tij në kutitë e votimit, ndërsa ka përshëndetur të pranishmit me dy gishta.

“Ju falënderoj që po pasqyroni këtë ngjarje të jashtëzakonshme, në këtë ditë të jashtëzakonshme. Thirrje demokratëve që të dalin të votojnë, për të kërkuar nesër llogari. Pjesëmarrja është vlerë e demokracisë dhe se duhet t’i kthejmë moralin kësaj partie”, tha ai për mediat.