Gjergj Luca, kremton tre gëzime, Lindjen e Krishtit, të nënës Mimika dhe djalit, Ndrekës

Sonte, Gjergj Luca i është bashkuar Natës së Madhe të Krishtlindjes nga shtëpia e tij në Fish City, duke përcjellë përmes një urimi falënderimet dhe mirënjohjen e bekimit që sjell kjo natë e shenjtë, e cila bashkë me Ardhjen e Mësisë, në familjen e tij, ka begatuar me ditëlindjen e nënës Mimika dhe të djalit Ndrek, i cili sonte mbush 6 vjeç.

“Ne sot kemi tre gëzime në familjen tonë: Krishtlindjen, ditëlindjen e nënës Mimika dhe ditëlindjen e ëmbël të djalit Ndrekës. Nga familja Luca ju urojmë shëndet e mirësi për çdo familje shqiptare dhe për familjen e përbashkët Shqipëri!”

Luca me këtë video ka uruar të gjithë, Gëzuar Krishtlindjet.

“Paçi gëzim dhe Zoti bëftë më të mirën për familjet tuaja”, e mbyll urimin e tij Luca, në këtë natë të shenjtë, në këtë Krishtlindjeje, në këtë natë ku të gjithë bashkohen për të pritur ardhjen e Jezusit, përmbushjes së premtimit të shenjtë, mëkimit të dritës që mëkon dashuri dhe shpresë.

AV