Gjosha kritikon rezolutën nga PS-PD për Integrimin në BE: Pa ndryshime reale dhe me mungesë dialogu

Ish-ministrja e Integrimit dhe ish-deputete e ish-LSI-së, Klajda Gjosha shprehet skeptike për rezolutën e BE-së që u miratua dje në Kuvend, me dakordësine plotë të opozitës dhe mazhorancës. Për të do të ishte më efektive nëse do të përfshiheshin disa pika me rëndësi, siç është heqja e ligjit për tenderat pa garë.

“Nëse do isha pjesë e politikës, do të doja të hapja këtë debat. Është gjithëpërfshirës kjo çështje. Cili është sistemi që i jep të drejtën e votës që do të lexohet? Këtë duhet të flasim. Mendoj se ky është momenti që gjatë kohës që diskutohet mes palëve, të diskutohet me qytetarët. Gjithëpërfshrija është diçka që i ka munguar Shqipërisë nder vite. Kush ka më shumë faj? Vija e kuqe i ka takuar mazhorancës, për shkak të reformës në drejtësi.

Duhet të kuptojmë se të gjithë janë bashkë. Ka pasur nevojë për dialog politik shumë më përpara. Dhe jo të çohemi një mëngjes dhe shohim një rezolutë në Kuvendin e Shqipërisë. Besoj se nuk do të sjellë ndonjë ndryshim madhor. Por se di nëse do t’i shërbejë vendeve anëtare. Kur lexoj rezolutën, është me fjalor fëmijëror. S’e di nëse është e qëllimtë aty.

S’mund të themi ne që të themi në një rezolutë; që zotohemi se do t’i japim hapësirën opozitës për të dhënë kontributin e vetë në Kuvend. (Rezoluta e miratuar dje në Kuvend). Kur shoh atë rezolutë, atë debat, dhe shoh mungesën e Kryeministrit, ndërkohë që diskutohet dhe do të votohet ajo, a ka një frymë bashkëpunimi këtu? Do të duhet të ketë një frymë të përbashkët. Ky është mesazh për qytetarët. Nga ana tjetër kemi një premtim të opozitës që nuk do të bojkotojë seancat.

Mësimi ishte i madh prej vitesh. Kuptohet se ku jemi sot. Nuk mund të zotohemi për diçka që e kemi brenda detyrimit ligjor, kushtetues dhe moral. Mesazhi i qartë do të ishte mirë për çështjen e imunitetit. Realizuta do të kishte vlerë nëse do t’i jepej fund tenderave pa garë. Kur flitet për dialog politik, ata (BE) nuk luan”, tha Gjosha.