Gjuajti me çifte të birit, 83-vjeçari i penduar: Isha shumë i stresuar pasi ai më kishte dhunuar

83-vjeçari Agim Shkullaku është shprehur i penduar për ngjarjen e rëndë ku është i përfshirë. Krimi në familje ndodhi në fshatin Stropckë të Pogradecit ku qëlloi dy herë me çifte duke lënë të plagosur rëndë djalin e tij, Përparim Shkullaku.

”Në momentin që kam plagosur djalin kam qenë i stresuar pas dhunës që ai ushtroi ndaj meje dhe në ato momente kam humbur kontrollin dhe kam qëlluar mbi djalin tim”,-ka thënë ai.

83 vjeçari pasi ka marrë ndihmën mjekësore në spitalin e Pogradecit është izoluar në dhomat e paraburgimit në komisariatin e Korçës në pritje të daljes para trupit gjykues për t’u njohur me masën e sigurisë. Nga ana tjetër burime pranë spitalit të Traumës bëjnë me dije se gjendja e 47 vjeçarit Përparim Shkullaku paraqitet stabël.