Gjykata e Durrësit lë në burg dy rusët dhe ukrainasin që sulmuan bazën ushtarake të Gramshit

Gjykata e Apelit Durrës vendosi këtë të martë të lërë në fuqi vendimin e Gjykatës së Shkallës së parë, arrest me burg për 2 shtetasit rus dhe 1 ukrainas që u kapën në bazën ushtarake të Gramshit.

Gjykatësi i kësaj çështje ishte Florjana Kalaja, Evelina Çela ishte përkthyesja e autorizuar ndërsa prokurori ishte Kujtim Bashaj.

Ndërsa avokatët e Svetlana Timofoeva, Mikhail Zorin dhe Fedis Alpatov ishin: Isuf Shehu, Saimir Visha dhe Fatmir Lushi .

Në përfundim të seancës avokatët e palëve u shprehën se vendimi është i padrejtë për klientët e tyre, pasi bazuar në provat e mbledhura nuk kemi të bëjmë me asnjë vepër penale që është përmendur në dosje. I vetmi person mbi të cilin rëndon akuza është shtetasi rus që ka sulmuar punonjësit e policisë.