Godet Genc Sejko me ironinë ndaj Ramës: Turp t’i vijë Bashës që mbledh gjithë këta njerëz në kohë pandemie

U kthye në një objekt replikash pritja elektorale që Fieri i bëri sot kryetarit të PD-së Lulzim Basha.

Fillimisht ishte kryeministri Rama i cili shkruante se Basha po bënte përsheshe me virus për politikë.

Në përgjigje PD tha se Rama ndihet i frikësuar nga qytetarët e Shqipërisë, të cilët duan të sjellin ndryshimin.

Menjëherë më pas erdhi sërish dhe reagimi i Ramës në Twitter i cili shkruante se ai është i frikësuar për njerëzit që mblidhen në grumbullime të papërgjegjshme.

Dhe duke marrë shkas nga këto deklarata, do të vinte ndërhjyrja e atij që njihet si “Njeriu i Memeve”, Genc Sejko, i cili ironizon fushatën e Edi ramës të vaksinimit, ku me qindra njerëz qëndrojnë ngjitur duke pritur në radhë të vaksinohen tek çadrat elektorale të vaksinimit të ngritura në sheshin “Skënderbej”.