Goditen 6 raste të “Mitëdhënies” në Elbasan, Gjirokastër dhe Pogradec

Vazhdojnë aksionet e policisë për të goditur rastet e “Mitëdhënies” dhe sipas raportimeve nga policia orëve të fundit janë goditur 6 raste të tilla.

Në përfundim të aksioneve mësohet të jenë vënë në pranga 6 shtetas.

Rastet e mitëdhënies janë evidentuar në policinë Rrugore në Elbasan 2 raste, 1 rast nga Policia Rrugore në Berat ,1 rast nga Policia Rrugore në Gjirokastër, si dhe 1 rast nga Policia Rrugore Pogradec.

Si dhe 1 rast nga Policia Kufitare Kakavije.

5 Drejtues mjetesh kanë tentuar të korruptojnë punonjësit e Policisë Rrugore, duke iu ofruar lekë për të shmangur masën administrative.

Si dhe 1 shtetas në Kakavije i ka ofruar ryshfet punonjësit të Policisë Kufitare për të mos u regjistruar në sistemin “TIMS”.