Goditet grupi kriminal që trafikonte njerëz në ShBA dhe Kanada, 20 të arrestuar mes tyre 2 efektivë policie

Një grup kriminal që trafikonte shtetas në mënyrë të paligjshëm në ShBA dhe në Kandata është goditur nga policia.

Gazetari i Ora News, Besar Bajraktaraj raporton se operacioni  është zhvilluar gjatë 48 orëve të fundit, duke arrestuar të paktën 20 persona, mes të cilëve edhe dy punonjës të policisë së Rinasit.

Sipas burimeve, punonjësit në policinë e Rinasit janë shtetasit me iniciale B.I. dhe B.M.

Në këtë operacion të zhvilluar në bashkëpunim me agjencitë e huaja ligjzbatuese kanë marrë pjesë rreth më shumë se 100 efektivë policie.

Operacioni është zhvilluar në disa rrethe të vendit pas një hetimi disa mujor për evidentimin dhe falsifikimin e dokumenteve të kësaj veprimtarie kriminale.

Skema e përdorur nga grupi kriminal

Mësohet se grupi kriminal me anë të vizave të falsifikuara bëntë kalimin  e personave në tre pika kufitare, duke përfshirë edhe Aeroportin e Rinasit.

Aksioni ka nisur që prej ditës së djeshme dhe është drejt finalizimit.