Grabit me thikë kazinonë në Tiranë, kush është 30-vjeçari i arrestuar nga policia (Emri)

Një kazino ka rënë pre e grabitjes mbrëmjen e kaluar në kryeqytet, ndërsa policia e komisariatit numër 3 ka vendosur në pranga autorin e dyshuar Drilon Niko, 30 vjeç, banues në Tiranë.

Sipas policisë, arrestimi i 30-vjecarit u bë pasi mbrëmjen e kaluar ky shtetas nën kërcënimin e thikës i ka marrë punonjësit të një kazinoje të kryeqytetit një shumë lekësh.

Materialet iu referuan Prokurorisë së Rrethit Gjyqësorë Tiranë, në ngarkim të shtetasit të lartpërmendur për veprat penale “Vjedhje me dhunë” dhe “Mbajtja pa leje e armëve të ftohta”./BW