Greqi, kapen 5 shqiptarë me 74 kg kanabis

Pesë shqiptarë janë arrestuar nga policia greke në rajonin e Follorinës mëngjesin e sotëm, emigrantë të parregullt nga mosha 21 deri 43 vjeç.

Policia greke sqaron se shqiptarët kanë hyrë në mënyrë të paligjshme nëpërmjet kufirit shqiptaro-grek.

Policia ka arritur të sekuestrojë një sasi prej 74 kg kanabis sativa të ndara në 53 pako. Policia ka sekuestruar edhe 4 telefona celularë.

Të arrestuarit do të dalin përpara prokurorit të Kosturit.